თბილისის მერის, კახა კალაძის ინიციატივით, კომპანია “სითი პარკის” მიერ გამოწერილი ჯარიმები მოქალაქეებს ჩამოეწერებათ. კახა კალაძემ საკანონმდებლო ინიციატივის მომზადება თბილისის ვიცე-მერს ირაკლი ხმალაძეს დაავალა:

„ეს არის თავის დროზე კომპანია „სითი პარკის“ მიერ გამოწერილი ჯარიმები. სამწუხაროდ, ხშირ შემთხვევაში, ეს ჯარიმები მოქალაქეების უფლებებს ლახავდა და კომპანიასთან ხელშეკრულების შეწყვეტის ერთ-ერთი მიზეზი ესეც იყო. მინდა, დავავალო ვიცე-მერს, ირაკლი ხმალაძეს, რომ მოამზადოს საკანონმდებლო ინიციატივა და მოვახდინოთ აღნიშნული ჯარიმების ამინისტია."

აქ იგულისხმება საჯარიმო სანქციებიც, რომელიც აღსრულების ბიუროსთვისაა გადაცემული და რომლის ფარგლებშიც, უკვე იძულებითი ღონისძიებების გატარება უწევს უწყებას. აქედან გამომდინარე, კიდევ უფრო მნიშვნელოვანია ამ ინიციატივის წარდგენა პარლამენტისთვის და დარწმუნებული ვარ, საკანონმდებლო ორგანო დადებით გადაწყვეტილებას მიიღებს“.

თბილისის მერის თქმით, “სითი პარკთან” დაწყებული დავა სასამართლოსა და არბიტრაჟის მიმართულებით დასრულებულია. მოლაპრაკებების შედეგად კი თბილისის მერიამ კომპანიისგან ყველა ის მატერიალური აქტივი შეისყიდა, რაც პარკირების სისტემის მართვისთვის არის საჭირო.

კახა კალაძის თქმით, კომპანია “სითი პარკის” მიერ გამოწერილი ჯარიმების საერთო ოდენობა 850 000 ლარს შეადგენს.

წყარო:ნეტგაზეთი