განქორწინება რთული და ემოციურად დატვირთული პროცესია და როდესაც ამ ყველაფერში ჩართულია ბიზნესი, ის საქმეს კიდევ უფრო ართულებს. ბიზნესის მფლობელებისთვის, მათი საწარმოს დაცვა, განქორწინების დროს, გადამწყვეტია.

 

ამ ბლოგპოსტში, ჩვენ შევთავაზებთ ბიზნესის მფლობელებს განქორწინების დროს მათი ბიზნესის დაცვის, შეფასების, დაყოფისა და საოპერაციო სტაბილურობის შენარჩუნების შესახებ სტრატეგიებს.

ბიზნესის შეფასება:

ბიზნესის ღირებულების განსაზღვრა კრიტიკული ეტაპია განქორწინების პროცესში. სამართლიანი განაწილების უზრუნველსაყოფად აუცილებელია ზუსტი შეფასება. ბიზნესის მფლობელებს შეუძლიათ გაითვალისწინონ შემდეგი:

 

• პროფესიული შეფასება: ჩართეთ კვალიფიციური ბიზნეს შემფასებელი, რომელსაც შეუძლია ბიზნესის ღირებულების ობიექტური შეფასება.
• ფინანსური ჩანაწერები: შეინახეთ ორგანიზებული და განახლებული ფინანსური ჩანაწერები, მათ შორის, შემოსავლის ანგარიშგება, ბალანსის უწყისი და საგადასახადო დეკლარაციები, რათა ხელი შეეწყოს შეფასების პროცესს.

აქტივების კატეგორია:

კალიფორნიაში, მეუღლეთა საერთო საკუთრების კანონები, როგორც წესი, მიუთითებს, რომ ქორწინების დროს შეძენილი აქტივები განიხილება მეუღლეთა საკუთრებად და ექვემდებარება თანაბარ გაყოფას. თუმცა, არსებობს სტრატეგიები, რომლებიც ბიზნესის მფლობელებს შეუძლიათ გაითვალისწინონ:
 

• შესყიდვის ვარიანტი: ერთ მეუღლეს შეუძლია შეისყიდოს მეორის წილი ბიზნესში, რაც საშუალებას აძლევს ბიზნესის მფლობელს შეინარჩუნოს სრული კონტროლი.
• წინასაქორწინო ან ქორწინების შემდგომი შეთანხმებები: კარგად შედგენილ წინასაქორწინო ან ქორწინების შემდგომ ხელშეკრულებას შეუძლია დაიცვას ბიზნესი განქორწინების შემთხვევაში დაყოფისგან.

ოპერაციული სტაბილურობის შენარჩუნება:

განქორწინების დროს ბიზნესის ოპერატიული სტაბილურობის შენარჩუნება უმნიშვნელოვანესია. გასათვალისწინებელი სტრატეგიები მოიცავს შემდეგს:
 

• იურიდიული მრჩეველი: მოიძიეთ იურიდიული მრჩეველი ბიზნესისა და საოჯახო სამართლის სფეროში გამოცდილებით, რომელიც დაგეხმარებათ ამ პროცესის მიმდინარეობისას.
• მედიაცია: გამოიკვლიეთ მედიაციის ან დავის გადაწყვეტის ალტერნატიული მეთოდები მშვიდობიანი შეთანხმებების მისაღწევად, ბიზნესის შეფერხების მინიმიზაციისთვის.
• ბიზნესის უწყვეტობის გეგმა: შეიმუშავეთ ბიზნესის უწყვეტობის გეგმა, რომელიც ასახავს, ​​თუ როგორ გააგრძელებს კომპანია შეუფერხებლად მუშაობას განქორწინების დროს და შემდეგ.

ადვოკატების როლი:

საოჯახო სამართალსა და ბიზნეს საკითხებში გამოცდილი ადვოკატების ჩართვა სასიცოცხლოდ მნიშვნელოვანია განქორწინების პროცესში მყოფი ბიზნესის მფლობელთათვის.
 

• ბიზნეს ინტერესების დაცვა: ადვოკატებს შეუძლიათ დაიცვან თქვენი ბიზნეს ინტერესები, რაც უზრუნველყოფს თქვენთვის სამართლიან და მისაღებ გადაწყვეტილებას.
• მოლაპარაკება და მედიაცია: ადვოკატებს შეუძლიათ მოლაპარაკებებსა და მედიაციაში დახმარება შეთანხმებების მისაღწევად, რომლებიც ხელსაყრელია ორივე მხარისა და ბიზნესისთვის.
• სასამართლო წარმომადგენლობა: იმ შემთხვევებში, როდესაც დავები ვერ გვარდება მშვიდობიანი გზით, ადვოკატებს შეუძლიათ წარმოადგინონ თქვენი ინტერესები სასამართლოში, მხარი დაუჭირონ საქმის კანონიერ გადაწყვეტას.

 

ამდენად,  თქვენი ბიზნესის დაცვა განქორწინებისას არამხოლოდ შესაძლებელი, არამედ არსებითიც კია ბიზნესის მფლობელთათვის. ამ სტრატეგიების გათვალისწინებით, პროფესიონალი შეფასების ექსპერტების ჩართვითა და უზრუნველყოფილი იურიდიული ხელმძღვანელობით, ბიზნესის მფლობელებს შეუძლიათ განქორწინების პროცესის წარმართვა თავიანთი ბიზნესისა და ოპერაციული სტაბილურობის შენარჩუნებით.

 

მთარგმნელი: ანა მღვდელაძე