ვალდებულებითი სამართალი დღევანდელი სამოქალაქო სამართლის ერთ-ერთ ყველაზე მნიშვნელოვან დარგს წარმოადგენს. იგი არეგულირებს ვალდებულებითი ხასიათის ურთიერთობებს და განსაზღვრავს თითოეული მხარის უფლება-მოვალეობებს მათ შორის, მხარეთა შორის არსებული უთანხმოების დროს. ვალდებულებით სამართალთან და ურთიერთობებთან ახლოს დგას პატრონყმობის ინსტიტუტი. პატრონყმობა სწორედაც რომ ვალდებულებით ხასიათს ატარებდა, ვინაიდან იგი იქმნებოდა მხარეთა შეთანხმების საფუძველზე და მასში მონაწილე მხარეებს გააჩნდათ გარკვეული უფლებები, თუმცა ამავდროულად ეკისრებოდათ გარკვეული ვალდებულებებიც. თავისუფალი უნივერსიტეტის სამართლის სკოლის სტუდენტი, მარი კაპანაძე, თავის ნაშრომში განიხილავს პატრონყმობის ინსტიტუტის განვითარების ისტორიას და თავისებურებებს და ახდენს მის შედარებას ევროპულ ვასალიტეტთან. იხილეთ ნაშრომი სრულად >>>პატრონყმობის ინსტიტუტი საქართველოში