25 დეკემბერს საადვოკატო ბიურო OK & CG-ის სასწავლო ცენტრის კურსდამთავრებულების დაჯილდოება გაიმართა. ჩვენი საადვოკატო ბიურო ხელს უწყობს ახალბედა იურისტების პროფესიულ განვითარებას და სთავაზობს მათ პრაქტიკული კურსს, რომელიც მოიცავს როგორც თეორიულ, ისე პრაქტიკულ ნაწილს. თეორიული ინფორმაცია, რომლის მიწოდებასაც კურსის მონაწილეებისთვის ჩვენი ბიუროს ადვოკატები უზრუნველყოფენ, უპირატესად, ემყარება პრაქტიკულ გამოცდილებას. საადვოკატო ბიურო OK & CG - ის ორგანიზებით დაჯილდოვდნენ ერთწლიანი პრაქტიკული კურსის მეოთხე ნაკადის და სამთვიანი პრაქტიკული კურსის მესამე ნაკადის შემდეგი მონაწილეები: გვანცა მაისურაძე, მარიამ გორჯოლაძე, იზა კასრაძე, შოთა ქემაშვილი, ქრისტინე ჩილინგარაშვილი, ქეთევან ქავთარაძე, სალომე აბრამაშვილი, ხატია ხითარიშვლი, ჟირონი ხუჟაძე, ნინო კიპაროიძე, ნინო ზიზიაშვილი, სალომე მიხელიძე, ბექა მაისურაძე.

დაჯილდოების ცერემონიალს ემოციების გარეშე არ ჩაუვლია. სტუდენტები აღნიშნავდნენ, რომ პრაქტიკული კურსი მათ დაეხმარათ სწორი მიმართულების პოვნაში, რომ თეორიული ცოდნის გვერდით მათ მიიღეს დიდი პრაქტიკული გამოცდილება. საადვოკატო ბიურო OK & CG მომავალშიც განაგრძობს პრაქტიკული კურსის შეთავაზებას დაინტერესებულ პირთათვის. მომდევნო ნაკადისთვის მონაწილეების შერჩევა იგეგმება იანვარში. ამასთან, აღსანიშნავია, რომ იმ პირს, რომელსაც ჩაბარებული აქვს ადვოკატთა საკვალიფიკაციო გამოცდა, სტაჟირება ჩაეთვლება ადვოკატის შესახებ საქართველოს კანონის მე-16 მუხლით გათვალისწინებულ სტაჟირების სავალდებულო პერიოდად, რის შედეგადაც შეძლებს გაწევრიანდეს საქართველოს ადვოკატთა ასოციაციაში და მიიღოს სადვოკატო საქმიანობის განხორციელების უფლების დამადასტურებელი მოწმობა. საადვოკატო ბიურო OK & CG ყველა კურსდამთავრებულს უსურვებს წარმატებასა და კარიერულ წინსვლას!