30 სექტემბრის N1999 განკარგულებით, საქართველოს მთავრობამ „წითელ ნუსხაში“ შეტანილი მცენარეების მოჭრის ნებართვა გასცა. „წითელი ნუსხით“ დაცულ მცენარეთა სახეობების ბუნებრივი გარემოდან ამოღებაზე, თანხმობასს „საქართველოს სახელმწიფო ელექტროსისტემამ“ მიიღო. ხეების მოჭრაელექტროგადამცემი ხაზის „ახალციხე-ბათუმის“ მშენებლობის მიზნით მოხდება. განკარგულების თანახმად, მოჭრის ნებართვა გაცემულიასაქართველოს „წითელ ნუსხაში“ შეტანილი მცენარეების შემდეგ სახეობებზე: ა) კაკლის ხე–47(ორმოცდაშვიდი) ინდივიდი; ბ) ჩვეულებრივი წაბლი – 397 (სამას ოთხმოცდაჩვიდმეტი) ინდივიდი; გ) კოლხური მუხა – 105 (ას ხუთი) ინდივიდი; დ) უთხოვარი – 3 (სამი) ინდივიდი; ე) მცირენაყოფიანი ბალამწარა– 4 (ოთხი) ინდივიდი. განკარგულებაში ასევე ნათქვამია, რომსს „საქართველოს სახელმწიფო ელექტროსისტემა“ ვალდებულია: ა) საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებას – გარემოსდაცვითი ზედამხედველობის დეპარტამენტს (შემდგომში– გარემოსდაცვითი ზედამხედველობის დეპარტამენტი) წინასწარ აცნობოს საქართველოს „წითელ ნუსხაში“ შეტანილი მცენარეთა სახეობების ბუნებრივი გარემოდან ამოღების დაგეგმილი ვადების შესახებ; ბ) მოჭრილი მერქნული რესურსი, დაუკოტრავი სახით, სახეობების მიხედვით, დაასაწყობოს სსიპ – აჭარის სატყეო სააგენტოს მიერ მითითებულ ტერიტორიაზე და გადასცეს მას მიღება-ჩაბარების აქტით.