გარემოსდაცვითი ზედამხედველობის დეპარტამენტმა ბზის უკანონო მოპოვებისა და ტრანსპორტირების ფაქტი გამოავლინა. გარემოს დაცვის სამინისტროს ინფორმაციით, მარტვილის მუნიციპალიტეტში, ლებარდეს მიმდებარე ტერიტორიაზე, დეპარტამენტის თანამშრომლებმა ბზის ტოტებით დატვირთული მიკროავტობუსი შეაჩერეს. სამინისტროს განცხადების მიხედვით, გარემოსადმი მიყენებული ზიანის ოდენობამ 49 124 ლარი შეადგინა. ფაქტი შეიცავს სისხლის სამართლის კოდექსით გათვალისწინებული დანაშაულის ნიშნებს. მასალები, შემდგომი რეაგირებისათვის, შესაბამის საგამოძიებო ორგანოს გადაეგზავნა. წყარო: liberali.ge