იურიდიული კომპანია „OK & CG“ -ის ადვოკატები ბროკერთა პროფესიული კურსის მსმენელებისთვის ლექციებს უძრავი ქონების მართვა/რეალიზაციის სამართლებრივ საკითხებზე წაიკითხავენ.„მოხარულნი ვართ,რომ ამ ინოვაციურ პროექტს ვუჭერთ მხარს. მიმაჩნია, რომ საქართველოში უძრავი ქონების ბაზრის დარეგულირებისთვის აუცილებელია სერტიფიცირებული,მაღალკვალიფიციური ბროკერების არსებობა. მომხმარებელთა ინტერესების დასაცავად, მნიშვნელოვანია, რომ უძრავი ქონების აგენტებმა იცოდნენ უძრავი ქონების მყიდველ-გამყიდველს შორის გასაფორმებელი ხელშეკრულების პრინციპები და ზოგადად, უძრავი ქონების რეალიზაციისას მნიშვნელოვანი სამართლებრივი საკითხები. ვფიქრობ, რომ პროექტი ხელს შეუწყობს უძრავი ქონების ბაზრის გაჯანსაღებასა და უძრავი ქონების უკვე არსებული თუ პოტენციური მფლობელების უფლებების დაცვას“, – განაცხადა საადვოკატო ბიურო OK & CG-ის დამფუძნებელმა, ოთარ კაჭკაჭაშვილმა.ბროკერთა პროფესიული კურსი სექტემბრიდან დაიწყება. სასწავლო კურსში მონაწილეობის მსურველებს შეუძლიათ გაგზავნონ CV შემდეგ მისამართზე:http://okgroupconsulting@gmail.com. წყარო : kvira.ge