მეწარმე სუბიექტები 20-ზე მეტი ფიზიკური პირისგან ფულადი სახსრების მოზიდვას ეროვნულ ბანკში რეგისტრაციის გარეშე ვეღარ შეძლებენ.

საკანონმდებლო ცვლილებების შედეგად, 2018 წლის 11 მარტიდან მეწარმე სუბიექტს ან ურთიერთდაკავშირებულ პირთა ჯგუფს, მიკროსაფინანსო, საბანკო, ან არასაბანკო სადეპოზიტო დაწესებულების ლიცენზიის გარეშე, 20-ზე მეტი ფიზიკური პირისგან დაბრუნებადი ფულადი სახსრების მოზიდვაა ეკრძალებათ.

ცვლილების შესაბამისად, ყველა მეწარმე სუბიექტი, რომლებზეც ორგანული კანონით გათვალისწინებული ზემოაღნიშნული შეზღუდვა ვრცელდება ვალდებულია, მოქმედი კანონმდებლობის მოთხოვნების სრული დაცვით, 2018 წლის 11 მარტამდე, საქართველოს ეროვნულ ბანკში დარეგისტრირდეს ან მიიღოს შესაბამისი ლიცენზია. წინააღმდეგ შემთხვევაში, მეწარმე სუბიექტს დაეკისრება საქართველოს კანონმდებლობით გათვალისწინებული პასუხისმგებლობა.