ოჯახში დანაშაულების ფაქტებზე, 2017 წელს, სისხლის სამართლებრივი დევნა დაიწყო 1986 პირის მიმართ, - ამის შესახებ მთავარი პროკურორის მოადგილემ, გიორგი გაბიტაშვილმა პარლამენტში ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე განაცხადა. 

გაბიტაშვილმა სახალხო დამცველის რეკომენდაციების შესრულების ანგარიში წარადგინა და აღნიშნა, რომ პროკურორების მიერ ოჯახური დანაშაულების მიმართ კვლავ ხორციელდება მკაცრი სისხლის სამართლის პოლიტიკა და გაზრდილია პროკურორების მიერ პატიმრობის მოთხოვნის მაჩვენებელი. 

„20017 წელს, პროკურატურის მიერ პატიმრობა მოთხოვნილი იყო ოჯახური დანაშაულის ჩამდენ პირთა 83%-ის მიმართ, აქედან დაკმაყოფილდა 58%. დაიკლო საპროცესო შეთანხმებების გაფორმების მაჩვენებელმა ოჯახური დანაშაულების ჩამდენი პირების მიმართ“, - განაცხადა გაბიტაშვილმა.