საზედამხედველო კაპიტალის ოდენობასთან დაკავშირებით, მიკროსაფინანსო ორგანიზაციებისთვის რეგულაციების ამოქმედების ვადამ გადაიწია. ამის შესახებ, ეროვნული ბანკის პრეზიდენტის მიერ დამტკიცებულ „მიკროსაფინანსო ორგანიზაციების საქმიანობის ზედამხედველობისა და რეგულირების წესშია“ აღნიშნული. 

კერძოდ, 5 ივლისის ბრძანების თანახმად, მისო-ების საზედამხედველო კაპიტალის მინიმალური ოდენობა 2018 წლის 31 დეკემბრამდე არანაკლებ 500 ათასი ლარი; 2019 წლის 30 ივნისამდე კი არანაკლებ 1 მლნ ლარი უნდა იყოს. 

მაშინ როცა, აქამდე ცნობილი იყო, რომ მიკროსაფინანსო ორგანიზაციებს, საზედამხედველო კაპიტალის გაზრდა 500 ათას ლარამდე 2018 წლის 1-ელ სექტემბრამდე, ხოლო არანაკლებ 1 მლნ ლარამდე 2019 წლის 1-ელ იანვრამდე მოუწევდათ. მიკროსაფინანსო ორგანიზაციები კი ვადების გადაწევას მოითხოვდნენ და აღნიშნავდნენ, რომ 2018 წლის 1-ელ სექტემბრიდან აღნიშნული რეგულაციის ამოქმედება მისო-ების 70-80%-ით ბაზრიდან გასვლას გამოიწვევდა.

წყარო: bpn.ge