საქართველოს ადვოკატთა ასოციაციას ახალი ვებ გვერდი ექნება; ვებ გვერდის პრეზენტაცია მრავალფუნქციურ კომპლექს - Kind David-ში მიმდინარეობს; 

ღონისძიებას  ესწრება საქართველოს ადვოკატთა ასოციაციის თავმჯდომარე დავით ასათიანი, ადვოკატთა აოციაციის სხვა წევრები, ასევე საერთაშორისო და არასამთავრობო ორგანიზაციების წარმომადგენლები;

დამსწრე საზოგადოებას ასოციაციის აღმასრულებელმა დირექტორმა, გიორგი ჭეხანმა ახალი ვებგვერდის უპირატესობები და ფუნქციონალი გააცნო.

 ახალი ვებგვერდი სრული დატვირთვით 2019 წლის იანვრიდან ამოქმედდება და მრავალ პრაქტიკულ ფუნქციას შეითავსებს, მათ შორის, ადვოკატებისათვის გაადვილდება ასოციაციის ტრენინგებისა თუ სხვადასხვა ღონისძიებების შესახებ ინფორმაციის მიღება და რეგისტრაცია. ასევე, ყველა ადვოკატს ექნება შესაძლებლობა დისტანციურად შექმნას /დაარეგისტრიროს საკუთარი პროფილი.

 ახალ ვებგვერდი მაქსიმალურად ორიენტირებულია სხვა ნებისმიერი დაინტერესებული პირის კომფორტზეც: მრავალმხრივი, თანამედროვე ფუნქციების საშუალებით თითოეულ მოაქალაქეს შეეძლება მარტივად მოძებნოს სასურველი ადვოკატი თუ ბიურო, გაეცნოს და მიიღოს სხვადასხვა ტიპის საჯარო ინფორმაცია.