საადვოკატო ბიურო "OK & CG" აქციის ფარგლებში უფასო კონსულტაციას დეკემბრის თვეშიც უწევდა მოქალაქეებს და მათ სამართლებრივი საკითხების გადაჭრაში ეხმარებოდა.

კონსულტაციები წარმოებდა როგორც უშუალოდ იურიდიულ კომპანიაში, ასევე ონლაინ რეჟიმითაც სხვადასხვა სოციალური ქსელის საშუალებით. 

გასულ თვეში, კომპანიისგან, სოციალური ქსელების მეშვეობით, ორასმა ადამიანმა ისარგებლა უფასო იურიდიული კონსულტაციით, ხოლო 65 ადამიანს უშუალოდ კომპანიის ოფისში გაეწიათ იურიდიული კონსულტაცია. 

მოქალაქეებს, ასევე, შესაძლებლობა ჰქონდათ კომპანიის ადვოკატებისათვის  გასაცნობად და შესაფასებლად წარმოედგინათ დოკუმენტაცია, რის შემდეგაც ისინი სამართლის სხვადასხვა მიმართულებით სწორ და საფუძვლიან სამართლებრივ კონსულტაციას იღებდნენ.

კომპანია "OK & CG" კონფიდენციალურობისა და ეთიკის პრინციპებზე დაყრდნობით წარმართავს კონსულტაციებს.  

მოქალაქეები კონსულტაციას სამართლის რამდენიმე ძირითადი მიმართულებით ითხოვდნენ:

- საოჯახო სამართლებრივი საკითხები (განქორწინება, ალიმენტი, ქონების გაყოფა, ბავშვის უფლებები) 10%

- მემკვიდრეობის მიღება 10%

- სასესხო ვალდებულებები 20%

- საფინანსო კომპანიების წინააღმდეგ მიმართული დავები 20% 

- ადმინისტრაციული წარმოება, სახელმწიფო ორგანოების მიმართ დავის წამოწყება 10%

- სისხლის სამართალი 30% 

უფასო იურიდიული კონსულტაციის ფარგლებში, 2019 წლის ოქტომბრის, ნოემბრისა და დეკემბრის თვეებში  ონლაინ კონსულტაცია 900 მოქალაქეს გაეწია, მომართვიანობა განსაკუთრებით მაღალი ნოემბრის თვეში იყო.

გასულ, დეკემბრის თვეში განსაკუთრებით იმატა სისხლის სამართლის სფეროში კონსულტაციის მიმღებთა რაოდენობამ.  

კომპანია მიმდინარე წელსაც გააგრძელებს მოქალაქეებისათვის იურიდიული კონსულტაციის გაწევას სამართლის სხვადასხვა მიმართულებით.