ბოლო დროის ერთ-ერთი ყველაზე გახმაურებული კანონი ე.წ მოსმენების შესახებ ძალაში 30 მარტიდან შედის. მალე ამოქმედდება სახელმწიფო უსაფრთხოების სამსახურის დაქვემდებარებაში მყოფი ოპერატიულ-ტექნიკური სააგენტოც,რომელიც ფარულ მოსმენებს განახორციელებს. კანონის თანახმად,სააგენტოს ხელმძღვანელი სუს-ის რეკომენდაციების საფუძველზე სპეციალურმა კომისიამ უნდა შეარჩიოს, საბოლოო გადაწყვეტილება კი პრემიერ-მინისტრმა მიიღოს. საკანონმდებლო ცვლილებების პაკეტის განხილვა საკანონმდებლო ორგანოში უმრავლესობისა და ოპოზიციის დაპირისპირების ფონზე მიმდინარეობდა. კანონს ვეტო დაადო საქართველოს პრეზიდენტმაც, თუმცა უმრავლესობამ ვეტო დაძლია.