საქართველოს სამოქალაქო კოდექსის 1310 მუხლის პირველი ნაწილის თანახმად: არც ანდერძით და არც კანონოთ მემკვიდრე არ შეიძლება იყოს პირი, რომელიც განზრახ ხელს უშლიდა მამკვიდრებელს მისი უკანასკნელი ნების განხორციელებაში და ამით ხელს უწყობდა თავის ან მისი ახლობელი პირების მოწვევას მემკვიდრეებად ან სამკვიდროში თავისი წილის გაზრდას . რას ნიშნავს მამკვიდრებლის უკანასკნელი ნების განხორციელებაში ხელის შეშლა? ასეთი მოქმდება შეიძლება გამოიხატებოდეს ფიქციური ანდერძის შედგენაში, ანდერძის დამალვაში ან განადგურებაში, ანდერძის შედგენის დაძალებაში და ა.შ 1310 მუხლის მეორე ნაწილის მიხედვით, უღირს მემკვიდრედ ითვლება პირი, რომელმაც ჩაიდინა განზრახი დანაშაული ან სხვა ამორალური საქციელი მოანდერძის მიერ ანდერძში გამოთქმული უკანასკნელი ნება-სურვილის საწინააღმდეგოდ“.